فسفور * فسفور

الكليماري محشي جمبري

علي طريقتي وممنوع النقل

النهارده ها قولكم علي طريقه اكله جميله جدااااااااااااا جدااااااااااااا وكمان مفيده جدا
وطبعا هي من صنع ايدايا000000

المقادير

1- كيلو كليماري منظفه جاهزه علشان متوجعيش دماغك في التنظيف ههههه

2-1/4 كيلو جمبري برده مقشر

3- حوالي كوب ارز

4-3ثمرات طماطم

5-2 معلقه كبيره خضره محشي

6- 2 بصله صغيره

الطريقه بقه انتو معايا ولا ايه

اول حاجه

لازم نشوح الجمبري علشان الظفاره بعمل الاتي

نضع بصله مبشوره في الطاسه علي الهادي مع قليل من الزيت واول ما تصفر فاتح خالص نضع

الجمبري المغسول جيدا ونضع قليل من الفلفل الاسودونقلب ونغطيه

نقلبه من وقت للتاني ومننساش انه علي الهادي

اكيد شامين الريحه الخطيره بتاعته

تاني حاجه نجهز خلطه المحشي

باضافه الارز الي البصله المبشوره والطماطم والخضره والفلفل الاسود والملح

ثم نضيف الي الخلطه الجمبري بعد ان يتشرب

ونقلب الخلطه كويس

ثم نقوم بحشو الكليماري اكيد بعد غسلها جيدا بالخلطه مع مراعاه عدم كبسها لان الارز بيزيد الضعف

ثم نقوم برصها في حله صغيره وهي واقفه ونضيف حوالي 1/4 كوب ماء ونضعها علي نار هاديه لحين التشرب

ثم نقوم بتحميرها في زيت علي نار هاديه اما بالبيض والبقسماط او الدقيق واقلب كويس علشان تستوي من جميع الاتجاهات

وابقو ادعولي اي خدمه

تحياتي بسمه امل