بداية ياجماعة الموضوع ده قريته وقلت لازم أكتبه هنا للأهمية
لاني فعلا لما قرأت الموضوع عرفت منه حاجات كتيرة مكنتش عارفاها علي الرغم من أهميتها
عشان كده كان لازم أقلكم الكلام ده
الموضوع باختصار ان بعض الأعضاء بيقعوا في أخطاء كتيرة عند اختيارهم للاسم اللي هيدخلوا بيه
أو التوقيع
فأرجوكم اقرأوا الموضوع بتمعن لأنه فعلا خطير
أولا هنتكلم عن الأسماء اللي ممكن تكون أسماء محرمة أو مكروهة
ياخبر أبيض واخدين بالكم محرمة
للدرجة دي
اااه للدرجة دي واحنا مش واخدين بالنا ان الاسم ده بيغضب الله سبحانه تعالي
ياريت ياجماعة أي حد يلاقي اسمه في الموضوع ده يغيره علي طووووووول
ياما يكلم الادارة وهما يغيروه ياما يدخل باشتراك جدييد
1- أسماء محرمه
ونقسمها إلى
أسماء معبدة لغير الله
(عبد النبي - عبد الرسول-عبد علي - عبدالحسين)
ومن الأمثلة التي غيرها النبي لأسماء معبدة لغير الله
(عبد العزى -عبد الكعبة - عبد شمس)
أسماء مضافة لله
نور الله - نور الأله
تنبيه هام أي أسم مضاف إلى الله لا يجوز إلا أن يكون معبدا كعبد الله وعبد الرحمن
أسماء تدل على التزكية مثل
(الشهيد - العابد - الساجد - القانت - الزاهد -ملك الملوك - قاضي القضاة - شاهنشاه- حاكم الحكام )
التسمي بأسماء الأصنام
ودي أعتقد أنها صعبة شوية
ولكن في أسم ناس كتير بتسميه دلوقتي
إساف وده كان أسم صنم زمان
التسمي بأسماء الكفار مثل
(جرجس - تومي - هنري - رونالدو)
ودي كتير في اللي بيحب يدخل بأسم لعيب كرة أو مطرب أجنبي أو أو الأمثلة كثيرة
التسمي بأسماء الشياطين مثل
الأعور - الولهان
ندخل على الأسماء اللي فيها كراهة مثل
التسمية بأسماء أو صفات تكون مضافة إلى لفظ الدين و لفظ الأسلام مثل
(نور الدين - نور الأسلام - سيف الأسلام - أسد الأسلام ) و قد نص بعض العلماء على التحريم والأكثر على الكراهة
أسماء الدلع والعشق ودي كتيرة طبعا
(الأمورة - البنوتة - ست البنات - السكرة - العاشقة - الدلوعة -
أمير الرومانسية -فارس الأحلام - العاشق الولهان وده أسم شيطان الولهان - حبيب حياتي - حبيب الروح - إلــــخ)
وطبعا الأسماء زي ( حبيبة الرحمن - حبيب الله - المعفو عنه -وغيرها الكثير ) لأن ده فعلا فيه تألي علي الله